Dem Festival säin dräijäeregt Konzept, eng Danzplattform an der Regioun opzebauen, kënnt 2007 a seng Endphase; mir freeën ons dem Publikum an dräi Owender Kënschtler aus Lëtzebuerg, Frankräich, Däitschland a Belgien virzestellen, mat deene mir an Zukunft zesumme schaffe wäerten.

E besonnesch interessanten Austausch, deen och vu „Luxembourg et Grande Région, Capitale européenne de la Culture 2007“ ënnerstëtzt gëtt, ass d’Zesummenaarbecht mam Danz Festival vu Sibiu: e rumänesche Choreograf kënnt op Lëtzebuerg e Stéck virbereeden, mat Dänzer aus der Regioun, an e lëtzebuergesche Choreograf schafft zu Bucarest mat Kënschtler aus hirem Land. Danse.Entre.Deux huet um Festival den 21 Juni Première a gëtt duerno zu Bucarest an zu Sibiu opgeféiert.

Obschonns mir drop halen den Danz Festival gutt ze organiséieren, soll awer och eng Plaz bleiwe fir d’Spontaneitéit: eng Rei Lëtzebuerger Kënschtler loossen sech an op en Improvisatiouns Owend am Dance Palace/ CPCA zu Bouneweg.

Et gëtt am Juni also genuch ze erliewen, an ech wënschen Iech vill Spaass derbäi.

Christiane Eiffes

Partnership DANZ FESTIVAL LËTZEBUERG – DANCE PALACE more information